۔ مزید پرویز مشرف فارمولا ۔ ڈیمز – قحط اور سیلاب JK3

پچھلی پوسٹس پڑھنے کے لئے متعلقہ تاریخ پر کلک کیجئے

27-06-2005

01-07-2005

.

میں نے اپنی یکم جولائی کی پوسٹ میں بگلیہار کے علاوہ تین نئے ڈیموں کا ذکر کیا تھا جس سے کچھ غلط تاءثر

لیا گیا ۔ حقیقت یہ ہے کہ اس سے پہلے بھارت دریائے جہلم اور چناب پر تین ڈیم مکمل کر چکا ہے ۔ یہ کل سات ڈیم ہیں ۔ دو دریاؤں پر سات ڈیم بنانے کے دومقاصد ہیں ۔

اول یہ کہ دریاؤں کا سارا پانی چینلائز کر کے بھارتی پنجاب لیجایا جائے اور ضرورت کے وقت پاکستان کو پانی نہ دے کر قحط کا شکار بنا دیا جائے ۔

دوم جب برف پگلے اور بارشیں زیادہ ہوں تو اس وقت سارا پانی ڈیموں والے پانی سمیت جہلم اور چناب میں چھوڑ دیا جائے تاکہ پاکستان میں تباہ کن سیلاب آئے ۔ بھارت یہ حرکت دو بار پہلے بھی کر چکا ہے ۔ مگر اس وقت ایک راوی ۔ چناب اور جہلم پر صرف دو یا تین ڈیم تھے ۔

بھارت کا اعلان کہ ڈیم بجلی کی پیداوار کے لئے بنائے جا رہے ہیں سفید جھوٹ اور دھوکا ہے ۔ کیونکہ جموں کشمیر پہاڑی علاقہ ہے ہر جگہ دریاؤں کے راستہ میں بجلی گھر بنائے جا سکتے ہیں اور بڑے ڈیم بنانے کی بالکل بھی ضرورت نہیں ۔

.

میں یہ بھی لکھنا بھول گیا تھا کہ تقسیم ہند کے فارمولا کے مطابق ریاستوں کے پاکستان یا بھارت سے الحاق کا فیصلہ ریاست کی مجموعی آبادی کی بنیاد پر ہونا تھا ۔ اس لئے امریکہ کی ایماء پر پرویز مشرف کا پیش کردہ سات ریاستوں والا فارمولا دوسری وجوہات کے علاوہ بنیادی طور پر بھی غلط ہے ۔ مزید یہ کہ اس فارمولا کے نتیجہ میں جموں پورے کا پورا بھارت کو چلا جائے گا اور دریاؤں کا کنٹرول بھارت کو حاصل ہو گا پھر جب پاکستان کو پانی کی ضرورت ہو گی بھارت دریاؤں کا پانی روک کر قحط کا شکار بنائےگا اور جب پانی وافر ہوگا سارا پانی چھوڑ کر پاکستان کو خطرناک سیلاب سے تباہ کر دے گا ۔