ایک گذارش

میں اردو وکی پر اپنے تبصرہ کو سب کے علم میں لانے کے لئے یہاں نقل کر رہا ہوں ۔ اتنی محنت کر کے اردو کے بلاگ بنائے گئے ہیں ۔ ان محنتی لوگوں کو خراج تحسین پیش کرنے کا طریقہ یہ ہے کہ بلاگنگ اردو میں کی جائے ۔ اس لئے میری انگریزی کے ماہرین سے مؤدبانہ درخواست ہے کہ اردو بلاگز پر اردو میں لکھا کریں ۔ اردو نہیں آتی تو سیکھ لیں ۔ کوئی ہرج نہیں ہو گا ۔

میں جب بھی ملک سے باہر گیا مجھے غیرملکیوں کا ایک سوال پریشان کرتا تھا ۔ کیا پاکستان میں انگریزی بولی جاتی ہے ؟ میں کہتا کہ وہ آپ کے ساتھ انگریزی بولتے ہیں تو جواب ملتا نہیں وہ آپس میں بھی انگریزی بولتے ہیں ۔ کیا ہماری کوئی پہچان بطور پاکستانی ہے ؟